Улетку вельмі запатрабаваным становіцца падарожжа па нашай краіне на выходных. І самым актуальным тановіцца падарожжа ў жывапісныя мейсцы каля вялікай вады. Усе адразу скажуць – Браслаўскі раён, Нарач! Так, але ёсць і менш раскуручаныя мейсцы, але вельмі перспектыўныя ў турыстычным плане. І вядома адно з самых, пакуль яшчэ недаацененых мейсцаў на Беларусі, гэта чароўнае мястэчка Зэльва! Не верыце? Тады, Let’go!
![](/files/byblog/3c6c4f9caba8b597c010eb592e6b72d3-thumb-780x1500-w.jpg)
Галоўнай воднай славутасцю Зэльвы з’яўляецца мясцовае водасховішча - найбуйнейшы вадаём Гродзенскай вобласці. Гэтак званае «Зэльвенскае мора» cтворана на рацэ Зэльвянка ў 1983 годзе у мэтах арашэння зямель, воднага добраўпарадкавання прылеглых вёсак, рыбагадоўлі. А выйшла яшчэ і папулярнае турыстычная мейсца для адпачынку ды рыбалкі пасярод каля лесапарка. З поўначы да вадасховішча падыходзіць гарадскі пасёлак Зэльва. Вось пра яго дзівосы і турыстычныя пэрпектывы мы сення і раскажам вам, паважаныя чытачы.
![](/files/byblog/88985220397ba4ecec3a7f9754763c76-thumb-1400x1500-w.jpg)
Адразу расскажам пра гісторыка-культурныя каштоўнасці. Распачнём мы нашую вандроўку па Зэльве з неагатычнага касцёлу Святой Троіцы 1913 пабудовы. Тэрыторыя вакол гэтага фотагенічнага храма вельмі дагляджаная мясцовымі вернікамі, і там можна адпачыць ад летнега сонейка і падумаць пра вечнае.
![](/files/byblog/91062964559bcf8f3c0e480805d4df79-thumb-780x1500-w.jpg)
![](/files/byblog/7c5b6f847736a7707fcc946866f0eb4d-thumb-1400x1500-w.jpg)
Быў калісці ў Зэльве і другі касцел, які быў разбураны падчас Другой Сусветнай Вайны. А месціўся ён на ўзгорку, які ўзвышаецца над наваколлем на 20-25 мэтраў, і мясцовыя жыхары называюць яго «касцельнай гарою». І ў далекім 1470 годзе тут быў пабудаваны касцёл, які віднеўся на ўсе наваколле.
![](/files/byblog/4be380127b763c9443f24f4511429da1-thumb-780x1500-w.jpg)
![](/files/byblog/8b9a3874b4d518544d5bbfd71635fff2-thumb-1400x1500-w.jpg)
![](/files/byblog/c5b3017fce0a619caf6aba48f06e20b8-thumb-780x1500-w.jpg)
Таксама каля развалін касцёла ёсць і помнік трагічным падзеям, які здарыліся 2 студзеня 1907 года, падчас канфлікту мясцовых каталікоў з царскімі ўладамі. Дайшло нават да таго, што царская ужыла сілу: 30 чалавек атрымалі раненні, а сем вернікаў загінулі. Імёны загінуўшых зараз высечаныя на помніку ў гонар тых сумных падзей, які стаіць на «касцельнай гары». Адзначым, што на гару, да помніка і рэшткаў вядуць акуратненькія лествіцы і сцежка.
![](/files/byblog/76f2e42bf4931c66a5e241e02f0900ae-thumb-780x1500-w.jpg)
![](/files/byblog/a79533279141ba0b61681e5fc2180b06-thumb-1400x1500-w.jpg)
![](/files/byblog/9edade7ec51d4c58283d13157522ecff-thumb-1400x1500-w.jpg)
![](/files/byblog/728ab39339e09517dab6a0166a17e93c-thumb-780x1500-w.jpg)
![](/files/byblog/b856c72e4c16fc924d91ea09259515f7-thumb-1400x1500-w.jpg)
Таксама ў Зэльве і дзеючая праваслаўная царква Святой Троіцы. Храм быў пабудаваны як грэка-каталіцкі ў 1815 годе на падмурку старадаўняй драўлянай праваслаўнай царквы, 1443 года пабудовы.Тэррыторыя царквы таксама вельмі файна ўпарадкавана, тут знаходзяцца магілы святароў, а таксама помнік знакамітай беларускай паэтке Ларысе Геніюш (1910-1983), якая апошнія гады свайго жыцця жыда менавіта ў Зэльве і была прыхаджанкай гэтай царквы. Сам помнік паэткі быў пастаўленны ў 2003 годзе з дабраслаўлення Мітрапаліта Мінскага і Слуцкага Філарэта (1935-2021).
![](/files/byblog/fb455fbdbe0688640cbaa9c79ed2fad3-thumb-780x1500-w.jpg)
![](/files/byblog/b819524dd199409b7d166a9b4b5a7200-thumb-1400x1500-w.jpg)
![](/files/byblog/bf3e15c0e01becc48f469d1ac23d7b6d-thumb-1400x1500-w.jpg)
![](/files/byblog/25c58f3c9be49b2e5d0bc02ea27d30d5-thumb-780x1500-w.jpg)
![](/files/byblog/75e4d7e4c028eafa9a5204887620542b-thumb-1400x1500-w.jpg)
![](/files/byblog/a64a0d121474472cedaa4b55c82283f4-thumb-780x1500-w.jpg)
![](/files/byblog/f451df6bab33f2210d4cdc625a5a2cc1-thumb-1400x1500-w.jpg)
Добраўпарадкаваным ёсць і цэнтр Зэльвы. Тут ёсць і драўляныя скульптуры, і дагляджанныя тратуары і дарогі, і шыльдачкі вуліц на беларускай лацінке, і нават помнік каню. Чаму менавіта гэтай жывёле? У 1720 годзе Сапегі атрымалі права праводзіць у Зэльве (само мястэчка кірмаш упершыню згадваецца ў 1258 годзе) кірмаш, які стаў адным з самых буйных не толькі ў Вялікім Княстве Літоўскім, але і ва ўсей Эўропе. Гандлявалі ў асноўным коньмі, таму цяпер на галоўнай плошчы Зэльвы красуецца помнік гэтай хатняй жывёле. І, між іншым, у Зэльве і зараз у жніўні праводзіцца «Ганненскі», які ёсць сапраўдным брэндам гэтага старажытнага райцентра, і гэта вельмі крута. У цэнтры мястэчка паўсюль напамін пра гэты кірмаш, і нават кавярня «Ганненскі падворак».
![](/files/byblog/275c21074960add379f7fab04e9c3dad-thumb-1400x1500-w.jpg)
![](/files/byblog/db7f5266b599d912666c2494e76f8048-thumb-780x1500-w.jpg)
![](/files/byblog/0f33c76f1744249c4496b7a9f22631ad-thumb-1400x1500-w.jpg)
![](/files/byblog/ea5faafaedfe9561d6557463d947d56f-thumb-780x1500-w.jpg)
Што тычыцца кавярань, рэстарацый і іншых мест адпачынку, ты пакуль у невялічкім мястэчку іх няшмат. Але, калі турысты сюды паедуць, то яны тут абавязова з’явяцца, бо як кажуць «спрос требует предложение». А пакуль зазначым, што цэнтар Зэльвы вабіць сваей утульнасцю, і спакоем. І тут у летнім павільене прадаюць смачнейшае марозіва на развес – усяго за 1 рубель 30 капеек за порцыю!
![](/files/byblog/2b87df2dafcc13bb51910b1a94e75d43-thumb-780x1500-w.jpg)
![](/files/byblog/ce1e3a1b173fb23decb1cc21ba6d3bf5-thumb-1400x1500-w.jpg)
![](/files/byblog/ef45cfe1c59641e1e1000e434aa99a60-thumb-780x1500-w.jpg)
![](/files/byblog/8c90d7c04f33285b43b38717ca87ebf8-thumb-1400x1500-w.jpg)
Цяпер мы перамясцімся да мясцовай зоны адпачынку на берагу вадасховішча, які месціцца каля вялікай дарогі, адкуль ідзе ажыўленны шлях з Беластока і Гродна да Баранавічаў ды Мінска. І шматлікія мінакі, адмыслова спыняюцца тут, каб адпачыць, і паглядзець на мясцовае мора. Таксама тут вельмі прыемна уразіла дабраўладкаванасць пляжу – хочаш купайся, хочаш загарай, хочаш грай у футбол ці валейбол.
![](/files/byblog/a9285e19a7048a9bee781c825b67b980-thumb-780x1500-w.jpg)
![](/files/byblog/53e2051825b1f54a1e87b452212e92dd-thumb-1400x1500-w.jpg)
Турыстычны патэнцыял у Зэльве вельмі высокі. Бо тут ёсць і вялікая гісторыя яшчэ з часоў ВКЛ, і шыкоўная прырода з аграмадным вадасховічам, і «Ганненскі кірмаш», як сучасны турыстычны брэнд мястэчка.
![](/files/byblog/25be8a7f083fb447ab34553f93c6d982-thumb-1400x1500-w.jpg)
– З кожным годам Зэльва толькі прыгажэе і становіцца ўсе больш прывабнай для адпачынку і турыстаў. Асабліва летам тут ТОП! – падсумавала наш рэпартаж жыхарка Зэльвенскага району Карына, якая зараз навучаецца ў Гродна.
![](/files/byblog/342a6e9d84face2be0a27db201a28ffa-thumb-780x1500-w.jpg)
Так што, сардэчна прапануем вам прыехаць да Зэльвы, шаноўныя наведвальнікі сайта!
![](/files/byblog/fb07a1311e381da1cd433c5dc60ddb91-thumb-780x1500-w.jpg)
![](/files/byblog/6a71704b465841da278f824df05ebadc-thumb-1400x1500-w.jpg)
![](/files/byblog/09864371722d29cebbb5452235030816-thumb-780x1500-w.jpg)
Подпишись на Holiday.by!
Только отборные материалы в наших каналах