Мінск па-беларуску: чым заняцца 17-23 студзеня?

Галоўная чалавечая хвароба, якая можа спасцігнуць нас узімку - лень ды валянне на канапе. Каб гэтага пазбавіцца, мы прапануем вашай увазе найбольш цікавыя падзеі надыходзячага тыдня: куды схадзіць, што паслухаць ды дзе паглядзець.

Пачнем са спякотнага канцэрта ў халодную пару: гурты “Рэха” ды “Гарадскі вал” запрашаюць гасцей паслухаць, паспяваць ды патанчыць у цудоўнай сяброўскай кампаніі. Бярыце з сабой каханых ды блізкіх, бо для асабліва спрытных дзейнічае акцыя “Прывядзі 5 сяброў - і праходзь бясплатна”.

Дзе: паб-клуб “Графіці” (зав. Калініна, 16)

Калі: 17 студзеня, пятніца, пачатак а 19:00

Квіток: 60.000 руб папярэдне, 80.000 руб у дзень канцэрту

Кантакты: +375 (29) 638-44-44; +375 (33) 638-44-44; +375 (25) 638-44-44

Сапраўдная жанчына павінна ўмеюць усё: дзетак гадаваць, смачна гатаваць, ведаць 100 варыянтаў адмывання плям ды яшчэ і размаўляць мінімум на чатырох мовах. А вось сапраўдная беларуская жанчына, акрамя пералічанага, павінна мець ўласнаручна пашыты строй. Бо што ж можа быць прыгажэй за дзяўчат, якія на святы апранаюць кашулю, спадніцу, гарсэт, паяс, фартух ды чароўныя пацеркі.

Менавіта для сапраўдных беларускіх жанчын Студэнцкае этнаграфічнае таварыства (СЭТ) распачынае курсы па шыццю народнага строя. Першы занятак адбудзецца 17 студзеня, з сабой трэба мець нататнік ды алоўкі з асадкамі. Далей сустрэчы будуць раз на тыдзень, па пятніцах. Кошт такога курса 150.000 руб на месяц (унёсак на дзейнасць СЭТу).

Дзе: офіс Студэнцкага этнаграфічнага таварыства (вул. К. Лібкнехта, 112, ст. м. Грушаўка)

Калі: 17 студзеня, пятніца, пачатак а 18:30

Кошт: 150.000 руб у месяц

Увечары 17 студзеня кнігарня “ЛогвінаЎ” запрашае на сяброўскі прагляд вельмі кніжнага серыялу. Ды ня простага, а пад назвай “Кнігарня ЛогвінаЎ”! Менавіта такім чынам пераклалі на беларускую мову ды агучылі брытанскую камедыю “Black books”. Галоўнага героя-ірландца Бэрнарда Блэка ў беларускай апрацоўцы заменіць не хто іншы, як беларус ды гарадзенец Ігар Логвінаў. Паглядзець на мінскія рэаліі па-лонданску запрашаюць усіх жадаючых, уваход вольны.

Дзе: кнігарня “ЛогвінаЎ” (пр. Незалежнасці, 37а, ст. м. Плошча Перамогі)

Калі: 17 студзеня, пятніца, пачатак а 19:00

Кантакты: +375 (17) 284-53-99; +375 (17) 286-31-68

Уваход вольны

Яшчэ адзін, гэтым разам утульны і па-дзявоцку прыгожы канцэрт адбудзецца ў “Графіці” у сераду: Паліна Рэспубліка будзе спяваць, смяяцца ды усміхацца. Песні пра жыццё, пра каханне ды пра добры настрой. А надвор’е паспрыяе калядна-святочнай утульнасці!

Дзе: паб-клуб “Графіці” (зав. Калініна, 16)

Калі: 22 студзеня, серада, пачатак а 19:00, але дзверы адчыняць ужо а 18:00

Квіток: 100.000 руб папярэдне, 130.000 руб у дзень канцэрту

Кантакты: +375 (29) 638-44-44; +375 (33) 638-44-44; +375 (25) 638-44-44

Літаратурны музей Янкі Купалы запрашае на канцэрт-вечарыну “Легенды цёплай зімы”. Для гасцей будуць спяваць Ярамір Ярошык (фронтмэн гурта “Хорціца”), гурт “Птушыны шлях” (былы фольк-гурт Alta Mente”), Алесь Чумакоў (“Стары Ольса”) прадставіць унікальную праграму “Старыя ірландскія песні па-беларуску”, а таксама заспяваюць мужчынскія традыцыйныя спевы сябры спеўнага клуба “Дунай”. Шмат музыкі, ўмат пачуццяў ды шмат цяплыні чакае ўсіх наведвальнікаў.

Дзе: Дзяржаўны літаратурны музей Янкі Купалы (вул. Янкі Купалы, 4)

Калі: 23 студзеня, чацвер, пачатак а 19:00

Квіток: 30.000 руб, купіць можна толькі на ўваходзе, але загадзя трэба патэлефанаваць ды замовіць неабходную колькасць

Кантакты: +375 (17) 327-78-66; +375 (29) 575-05-97

Ведаеце цікавыя мерапрыемствы, якія засталіся па-за гэтым аглядам? Дзяліцеся ў каментарыях!