Шчыра віншуем нашых чытачоў з надыходам восені - самым смачным часам для канцэртаў ды гарадскіх фестываляў! Але ж мы не збіраемся забывацца і на вандроўкі па роднай краіне. Каго паслухаць, куды схадзіць ды што карыснага для сябе даведацца чытайце ў чарговым аглядзе.

Калі вас цікавяць пытанні здаровага харчавання, агра-культурны фэст на гэтых выходных будзе адмыслова для вас! 31 жніўня і 1 верасня на пляцоўцы галерэі сучаснага мастацтва “Ў” адбудзецца самы экалагічны фэст месяца. Майстар-класы, прэзентацыі, дэгустацыі, экскурсіі ды канцэрты на агра-культурную тэматыку - ўсё, чаго толькі можа захацець душа! Хопіць інтэрактыву і для дзетак: лэнд-арт, маляванкі, вітамінны майстар-клас ды гульні. Не прапусці самыя экалагічныя выходныя месяцу!

Дзе: галерэя сучаснага мастацтва “Ў” (пр.Незалежнасці, 37 А)

Калі: 31 жніўня - 1 верасня (пачатак мерапрыемстваў а 12:00).

Кантакты: +375 (17) 2863168; +375 (29) 3290610

Уваход вольны

e8257a317e8591d09b0e33b443c991e3.jpg

Як ужо традыцыйна склалася, на пешаходнай вуліцы Карла Маркса на гэтых выходных для нас і вас будуць граць сапраўдныя акулы беларускай музыкі - капэла “На таку”. У суботу шукаем чароўную музыку ды вучымся беларускім народным побытавым танцам у прыемнай кампаніі. Узрост ды вашы танцавальныя здольнасці значэння не маюць. Танчаць усе!

Дзе: пешаходная вуліца Карла Маркса

Калі: 31 жніўня, субота, з 18:00 да 21:00

Уваход вольны


 Пачаць восень з добрых справаў нам прапаноўвае “Беларускі дзічяцы хоспіс” пры падтрымцы праэкту “Мае Сэнс”. У халаднаватую вераснёвую сераду у клубе “RE:PUBLIC” нас чакаюць зоркі беларускай сучаснай сцены, сярод якіх гурты “S°unduk”, “Naka”, “Дзявяты міліметр”, “Sun and Ocean”, а таксама Алег Хаменка ды Рэспубліка Паліна. Усё гэта - “Дабрачынны канцэрт выдатнай музыкі”. Усе сабраныя сродкі будут пералічаны на карысць дзетак, якія знаходзяцца на стацыянарэ хоспіса. Файная нагода зрабіць добрую справу!

Дзе: клуб “RE:PUBLIC” (вул. Прытыцкага, 62)

Калі: 4 верасня, серада, 18:00

Квіток: папярэдне 80.000 руб, у дзень канцэрта 100.000 руб

Кантакты: +375 (29) 1103535

Для тых, хто хоча адчуваць сапраўдныя эмоцыі менавіта па-беларуску, прапаноўваем прагляд дубляванага фільма “Нябачны бок” - першы оскараносны фільм у беларускім кінаклубе. Гісторыя зоркі амерыканскага футболу Майкла Оўэра ўмяшчае і сямейныя, і футбольныя, і асабістыя душэўныя перажыванні. Спартовая драма, заснаваная на рэальных падзеях нікога не пакіне абыякавым. Арганізатары зладзілі невялічкую акцыю: усім гледачам, якія прыйдуць з сымболікай амерыканскага футболу (будзь то саколкі, сцягі, бейсболкі ды гэтак далей) - бясплатны гарачы напой на выбар (гарбата ці кава).

Дзе: крэатыўны кластар МЕ100 (пр. Незалежнасці, 58 корп. 6)

Калі: 5 верасня, чацвер, 19:00

Квіток: 25.000 руб (студэнтам і навучэнцам 15.000 руб)

Працяг фільма 2 гадзіны 9 хвілін.


А яшчэ на працоўна-вучэбным тыдні прапаноўваем паглядзець на адное з самых старажытных беларускіх рамёсел - выцінанку. Творчая выстава прац Вольгі Бабурынай месціць у сябе асабістае ўвасабленне ўсеагульнай дэкларацыі правоў чалавека - настолькі сур’ёзна падыйшла да пытання мастачка.

Дзе: Музей сучаснага выяўленчага мастацтва (пр. Незалежнасці, 47)

Калі: штодзённа з 11:00 да 19:00 (акрамя нядзелі ды панядзелка)

Квіток: дарослым 6.000 руб, студэнтам 4.000 руб, дзеткам 3.000 руб

Кантакты: +375(17) 2882468

Спяшайцеся, выстава адкрыта для наведванняў да 7 верасня.

Ведаеце цікавыя мерапрыемствы, якія засталіся па-за гэтым аглядам? Дзяліцеся ў каментарыях!

Подпишись на Holiday.by!

Только отборные материалы в наших каналах