Белорусский, русский, английский, польский, французский языки
Историко-краеведческие, историко-архитектурные, обзорные, авторские, историко-биографические, тематические, литературные, этнографические

О себе

Спецыялізацыя

Краязнаўчыя і гісторыка-архітэктурныя экскурсіі, велаэкскурсii. Суправаджэнне груп у Вільню, расповед у дарозе пра беларускую Вільню.

Пра сябе:

Ваджу па Беларусі - з беларускім акцэнтам. Ваджу пераважна там, дзе самому цікава і прыемна. На лінію Сталіна – не ваджу. Падчас экскурсіі не толькі бубню завучаны матэрыял сабе пад нос, але і стараюся глядзець на людзей (групу), і на тое, што адбываецца навокал. Не люблю пустаты і механістычнасці. Рады прыгодам. 

Таксама праводжу экскурсіі па-польску.

У кампаніі руска- і ангельска-моўных гасцей (груп) пераключаюся на іх мову.
Ваджу з 2007 года. У 2009 г. пачапіў на сябе пасведчанне экскурсавода ад Нацыянальнага Агенства па Турызме, у 2010 г. – пасведчанне гіда-перакладчыка.

Апісанне экскурсій:

Мінск – аглядная, усяго-па-трохі;

“Мінск сацыялістычны” - жылы пасёлак трактарнага завода, цяжар ударных будняў і атмасфера пасляваенных дворыкаў;

Навагрудак – возера Свіцязь – Шчорсы – Туганавічы (дадаткова - Любча і Лаўрышава), велічныя замкавыя руіны, старыя вулачкі, касцёлы і цэрквы першай сталіцы ВКЛ; азёрныя берагі і сосны; жыццё і творчасць Адама Міцкевіча. Дадаткова ў гэтым рэгіёне можна наведаць прынёманскі радзівілаўскі замак у Любчы і праваслаўны манастыр у Лаўрышаве);

Слонім – Жыровіцы – Сынкавічы (магчыма таксама: Косава - Ружаны), святая мясціна хрысціян Беларусі з маленькім цудатворным абразком XVI ст.; храмы, плошчы і вуліцы Сапегаў і Агінскіх; праваслаўны храм-крэпасць у стылі готыкі; (магчыма таксама: знакамітая каланада ружанскага палаца Сапегаў, шыкоўная неаготыка палаца Пуслоўскіх у Косава і дом дзяцінства Тадэвуша Касцюшкі на хутары Мерачоўшчына);

Ракаў – Валожын - Крэва – Баруны – Гальшаны – Вішнева - Дзесятнікі, каларыт і атмасфера беларускіх мястэчак; старажытная Літва і руіны замка XIV ст.; ракако Барунаў і жалоба па страчанай Вільні; гальшанскія “здані” Караткевіча і сапежанскія муры; магілы салдат 1-й Сусветнай і беларускія справы беларускіх ксяндзоў;

Мір – Нясвіж, беларуская готыка, раскоша княскіх палацаў, радзівілаўскі горад-крэпасць і ціхія алеі паркаў;

Каменец - Белавежская пушча, цені прыдарожных мясцін, абарончая каменецкая вежа XIII ст., зубры і тарпаны, дубы і бярозы Пушчы. 

Тураў-Столін-Пінск

Экскурсія па музею народных рамёстваў і тэхналогій "Дудуткі" , таксама магчыма экскурсійнае суправаджэнне ў музей ад Мінска.

Эксклюзіўныя экскурсіі:

Літвінскія паланэзы Маршрут: Завоссе - Карчова – Туганавічы – Навагрудак – воз. Свіцязь;

Гэта экскурсія па мясцінах, звязаных з жыццём і дзейнасцю Адама Міцкевіча, Тамаша Зана, Яна Чачота, Ігната Дамейкі і іншых студэнтаў-філаматаў. Менавіта так называлі сябе студэнты Віленскага універсітэта 1820-х гадоў (у перакладзе – “прыхільнікі дабрачыннасці”), якія стварылі першую ў нашай гісторыі маладзёвую арганізацыю з мэтай адраджэння нацыянальнай культуры і захавання нацыянальнай годнасці. Мы наведаем: Дом-музей Адама Міцкевіча ў Завоссі, дзе на ўласныя вочы пабачым штодзённы побыт беларускай шляхты пач. XIX ст.
камень філаматаў каля вёскі Карчова – месца філамацкіх сходаў і забаваў;
шыкоўны стары парк у Туганавічах (былы маёнтак Верашчакаў) – месца юнацкіх сустрэч Адама Міцкевіча і Марылі Верашчакі;
Навагрудак – радзіму Адама Міцкевіча і Яна Чачота, дзе нас сустрэнуць велічныя замкавыя руіны часоў вялікага Вітаўта, слынныя навагрудскія цэрквы і касцёлы XVI-XVIII стст., старая плошча...
Напрыканцы нас будзе чакаць чароўная Свіцязь - унікальнае ў біялагічным аспекце возера, у якое без памяці быў закаханы малады Міцкевіч.
Падчас нашага падарожжа ў жывым выкананні будуць гучаць студэнцкія песні філаматаў, знойдзеныя некалькі год таму ў архівах Вільні.

Працягласць экскурсіі 12 гадзін

Мінск Чапскага (экскурсія на роварах) Маршрут: бровар Чапскага (Піўзавод “Аліварыя”) – Губернатарскі сад (Парк Горкага) – Новае места (раён Купалаўскага тэатра) – вул. Гандлёвая – Мінская Ратуша

Імя мінскага гораданачальніка Караля Чапскага было незаслужана забыта на доўгі час. Але падчас экскурсіі на нашых вачах будуць ажываць справы гэтага чалавека, які змог ператварыць Мінск у сапраўдную еўрапейскую сталіцу. Першы гарадскі тэатр, першая электрастанцыя, конка (гарадскі грамадскі транспарт), новая сістэма водаправода, прытулак для бяздомных і першая мастацкая выстава, - гэта далёка не поўны спіс таго, што ўдалося паспець Чапскаму ўсяго за адзінаццаць гадоў (1890-1901). Акрамя таго, менавіта ў гэты час у Мінску адчыняецца гарадскі пракат ровараў...
Працягласць экскурсіі 2,5 гадзіны

Жылы пасёлак Трактарнага завода ў Мінску.

Велаэкскурсіі: 

- Мінск - аглядная (3 гадзіны);
- Мінск графа Чапскага (2,5 гадзіны);
- Мінск хіпаноў і бітнікаў (2,5 гадзіны).

Свидетельство экскурсовода:  00556 от 30.03.2009 выдан НАТ
Свидетельство: гида-переводчика: 000763 от 11.03.2010 выдан НАТ

Дата обновления: 18 июня 2018
holiday.by рекомендует
Абрамчук Роман Николаевич
Белорусский, русский, английский, польский, французский языки
Историко-краеведческие, историко-архитектурные, обзорные, авторские, историко-биографические, тематические, литературные, этнографические
Акция распространяется только на перелеты туда и обратно.
14 февраля 2019
Варианты от 100 BYN на двоих: с ночлегом и фотосессией «Love story» в подарок.
14 февраля 2019
Банк БелВЭБ проанализировал траты своих клиентов за рубежом и предложил путешественникам варианты экономии.
13 февраля 2019
Кажется, эта неделя июня кого-то неплохо озолотит.
13 февраля 2019
Контактная информация
Задать вопрос гиду
  • Количество отдыхающих
  • Дата отдыха
Спасибо, ваша заявка принята.
Подписка на горящие туры
  • Узнавайте о скидках первыми
  • Ориентируйтесь в текущих ценах на отдых
  • Помогите друзьям получить скидку
Подписка на горящие туры
  • Месяц отдыха
  • Пожалуйста, включите вайбер, прежде чем нажать кнопку "Подписаться"