І мы шчыра запрашаем вас далучыцца да гэтай падзеі. Няхай вашыя веды, досвед і захапленне Беларуссю распаўсюдзяцца як мага шырэй. Давайце падорым нашым людзям сапраўднае свята і дакажам, што экскурсіі — гэта самы лепшы адпачынак.
Экскурсіі ў межах Фэста экскурсаводаў могуць праводзіць:
• экскурсаводы;
• выкладчыкі;
• краязнаўцы;
• даследчыкі;
• усе зацікаўленыя гісторыяй, культурай і прыродай роднага краю.
Экскурсіі Фэста заўжды адметныя і папулярныя, бо яны даюць каштоўныя звесткі пра той ці іншы аб’ект ад сапраўдных прафесіяналаў сваёй галіны.
Экскурсійнымі аб’ектамі Фэста могуць быць гістарычныя мясціны, храмы, прадпрыемствы, помнікі прыроды, музеі, бібліятэкі — усё, што вы любіце, ведаеце, у папулярызацыі і захаванні чаго вы зацікаўлены.
Просім вас азнаёміцца з Палажэннем Фэста і даслаць нам заяўкi на ўдзел, запоўніўшы гугл-форму.
Па дадатковых пытаннях пішыце на электронную пошту: festguides@gmail.com
Агульная каардынацыя: +375 (29) 863-21-50 Таццяна Гайдук
+375 (25) 904-69-89 Святлана Грышкевіч
Каардынатар па рэгіёнах: + 375 (25) 545-84-30 Валерыя Чарнаморцава
Арганізатары: Беларускі камітэт Міжнароднай рады па помніках і мясцінах (ІКАМОС), ДУ «Нацыянальнае агенцтва па турызму», грамадскае аб’яднанне «Беларускі фонд культуры», РГА «Беларускае таварыства экскурсаводаў і гідаў-перакладчыкаў».
Для иллюстрации использовано фото Юлией Леоновой
Дата обновления: 25 марта 2020