21-23 чэрвеня 2019 года ў Музеі народнай архітэктуры і побыту пад Мінскам адбудзецца Адзінаццаты міжнародны музычны фэст «Купальскае Кола-XI».
«Купальскае Кола» — адзін з нешматлікiх беларускіх фестываляў, які масава падабаецца прыхільнікам роднай культуры. Фестываль прысвечаны старадаўняму народнаму святу — Купаллю, прымеркаванаму да дня летняга сонцастаяння, калі дасягаюць найвышэйшага росквіту жыватворчыя сілы зямлі. Як ніякае іншае, свята Купалле авеяна легендамі і міфамі, у яго абрадах цесна перапляліся старажытныя язычніцкія і хрысціянскія традыцыі, вераванні нашых продкаў. У традыцыях і абрадах Купалля яркім чынам раскрываецца душа беларускага народа.
У 2019 годзе падчас Адзінаццатага міжнароднага музычнага фестывалю «Купальскае Кола-ХI» гасцей і ўдзельнікаў будзе традыцыйна чакаць маса пляцовак і забаў, рэканструкцыя святкавання Купалля, а таксама маштабная канцэртная праграма.
У праграме фестывалю:
- рэканструкцыя аўтэнтычнага Купалля:
- 21.06.2019 года пры падтрымцы Студэнцкага этнаграфічнага таварыства будзе праходзіць апрананне Купалкі, завіванне купальчатй касы і вянкоў, фальклорны канцэрт (гурты GORYN, KUDMEN, ASTROUNA, DAINAVA); будуць гучаць купальскія спевы з розных мясцін Беларусі і антыфонны спеў з Полаччыны; можна будзе убычыць унікальны купальскі абрад «Барана» з наўночнай Беларусі і ўрачыстае запальванне вогнішча; а таксама можна будзе прыняць удзел у святочных карагодах вакол вогнішча.
- 3 сцэны:
- першая сцэна «Традыцыя» (аўтэнтыка: фолк),
- другая сцэна «Крывія» (альтэрнатыўная: метал, рок),
- трэцяя сцэна «Карчма» (інтэрактыўная).
- выступленні больш чым 30 гуртоў:
- 22.06.2019 года – 1) гурт «Мярэжа», палескі гурт з вёскі Хатынічы (Ганцавіці р-н), гурт «Harmonic style project», фальклёрны гурт «Варган», РУТВIЦА, Троiца, PRAGNAVIT, GO-A (Украіна); 2) HASPYD (Украіна), Varang Nord (Латвія), Mjød (Расія), ОMUT, FORODWAITH, NATURAL SPIRIT (Украіна), MSSNH, ZNICH (&RUTVICA), GODS TOWER; 3) Ларыса Рыжкова і гурт «Калыханка», гурт «Кудмень», танцавальная капэла «На таку», клуб «Сіта», гурт Сёстры Лук’яновічы, Озьнiца.
- 23.06.2019 года – 1) капэля «Коліснія», мужчынскі гурт «РАДА», КАS, ROKASH, VURAJ, Стары Ольса; 2) EХIST-M, AMONG YOUR GOD, SAMELI, Нейра Дзюбель, ДАЙ ДАРОГУ, ТТ34; 3) палескі гурт «Вытокі», дударскі клуб, гурт «Церабяначка» (Пінскі р-н).
- купальскі карагод і купальскае вогнішча;
- рамесны кірмаш «Горад майстроў»;
- дзіцячы забаўляльны гарадок і анімацыйныя пляцоўкі;
- бясплатны намётавы гарадок і бясплатная паркоўка;
- фудкорты и экскурсіі па помніках архітэктуры музея.